Kandal Ysteri og Gardsmat

I dei bratte bakkane mellom Skjortefjellet og Breimsvatnet finn du Kandal Ysteri og Gardsmat – eit lite ysteri der tradisjon, gardsliv og handverk går hand i hand. Her lagar Solveig og Erlend ekte brunost og andre produkt av mjølk frå eigne geiter, vidareført etter gamle tradisjonar frå Kandalen.

Ysteriet byggjer vidare på ein over 130 år gammal tradisjon for mjølkeforedling i bygda, og kombinerer lokal historie med ny skaparvilje. Rundt garden finn du geiter, sauer og vakker natur – og om sommaren kan du besøke kaféen i Ysteriparken og nyte lokal mat med utsikt over Kandalen.

Kandal Ysteri og Gardsmat er ei smakfull oppleving av tradisjon, natur og ekte gardsliv i Gloppen.